smá pæling á laugardegi fengið lánað af netinu :)

Ég las einhvern tímann bók um uppeldi sem lagði áherslu á mikilvægi þess að gefa barni sínu gæðastund daglega með því að gefa því alla athygli þannig að það finndi umhyggju manns og ást greinilega. Betra er að eyða tíu þannig mínútum og umgangast barnið lítið þar fyrir utan en að vera hjá því allan daginn án þess að gefa því athygli öðruvísi en að skipa því fyrir. Þannig fyllir maður á tillfinningabanka barnsins og ef það er engin innistæða er líklegt að það sækist eftir athygli með því að vera óþægt: neikvæð athygli er betra en engin!!

Þetta gildir í raun um öll sambönd, ekki síst á milli manns og konu. Það er auðvelt að gleyma sér í hversdagsleikanum og vakna allt í einu upp við að sambandið er bara orðin ein stór rútina. Það skiptir ekki máli hversu vel maður passar saman eða hversu ástfanginn maður er, það verður alltaf að rækta ástina og fylla á þennan tillfinningabanka. Maður þarf að muna að krydda tilveruna með því að taka frá tíma þar sem maður gleymir öllu öðru og gefur hvoru öðru óskipta athygli. Þá finnur maður ástina glæðast og maður man af hverju maður er ástfanginn af maka sínum.

Guð skapaði okkur af því að hann er kærleikur. Eðli kærleikans er að elska og þess vegna erum við til...svo að hann gæti elskað einhvern. En hann skapaði okkur líka vegna þess að hann vildi vera elskaður. Hann vildi börn og konu sem endurgjalda ást hans.

Við tölum mikið um kærleika Guðs til okkar, allt sem hann hefur gert fyrir okkur og allt sem hann getur gert fyrir okkur ef við biðjum hann. Og þetta er allt eðlilegt, satt og rétt. En ég held að ekkert gleðji hann meira en þegar við komum fram fyrir hann með það eina markmið að elska hann, gleðja hann, hlusta á hann. Gefa honum athygli, ekki einungis til þess að upplifa nærveru hans svo að okkur liði betur, heldur einfaldlega til að elska hann.

Ég elska þig Jesús.
Ekki bara vegna þess sem þú hefur gert fyrir mig
heldur einfaldlega vegna þess hver þú ert

Ég vil ekki biðja þig um neitt á þessu augnabliki
Bara elska þig
Ég ætlast ekki til neins af þér á þessu aungnabliki
Ég vil bara elska þig
Ég hunsa þarfir mínar og hunsa þarfir annarra
Og gleymi mér í þinni þörf
Þú einn hefur athygli mina núna
Ég brýt þetta ker og smyr fætur þína með þessari rándýru olíu
Ég eyði öllu í þig, þvi þú ert verðugur.
Ég hefði getað eytt olíunni í fátæka en þetta er þín stund
Eitt er nauðsynlegt
Ég hef fundið það og valið góða hlutskiptið
Og ég veit að það verður ekki frá mér tekið
Því að þú vakir yfir brúður þinni með afbrýðisemi
Og ást hennar er hjarta þitt.

Ég elska þig og fullur þakklætist undrast ég náð þína:
Þú hefur gert okkur kleift að elska þig!
Brennandi af ástríðu gekkstu ekki bara eina auka mílu;
þú gekkst þar til fætur þínir báru þig ekki lengur
Í krafti ástríðu þinnar gerðir þú hið ógerlega:
Þú fjarlægðir allt sem kom í veg fyrir að við gætum þegið ást þína
og allt sem kom í veg fyrir að við gætum elskað þig.
Einn dag mun brúður þín gera sér grein fyrir
að hún elskar þig jafn mikið og þú elskar hana
því hún elskar þig með þinni ástríðu.

langt um liðið og margt gengið á gleði og sorg.....aðalega gleði þó :)

Vá það er svo langt síðan ég hef bloggað að kanski maður ætti að leyfa ykkur að fylgjast aðeins með og segja ykkur hvað hefur á daga okkur fjölskyldunar drifið..... Árið 2010 var vægast sagt viðburðarríkt ár... við hjónin skildum um vorið þá nýbúinn að komast að því að 3 erfinginn væri á leiðinni en Guð er góður og við tókum aftur saman í byrjun ágúst, giftum okkur svo 10.10.10 yndislegur dagur fórum bara tvö ein ásamt vitnunum okkar kötu og magga og svo Siggu Helgu og Guðbjarti forstöðuhjónunum okkar inn í bænaherbergið í c.t.f og giftum okkur ´hvort öðru í annað sinn á ævinni, við eignuðumst svo yndislega litla dóttur 17 nóv 2010 sem var 15 merkur og 51 cm og fékk nafnið Sefanía Rut. Við hjónin erum semsagt búinn að njóta þess að vera saman heima í fæðingaorlofi í 3 mánuði sem hefur verið ótrúlega ljúft, Guð er búinn með hjálp yndislegra ráðgjafa að gera kraftaverk í hjónabandinu okkar og það er ótrúlegt hvað Guð getur unnið hratt. Lífið er bara yndislegt þegar maður hefur einhvern til að ganga við hlið sér í gegnum það, Raggi  er núna byrjaður að vinna eftir að fæðingaorlofið kláraðist og það er hálf skrítið að vera allt í einu ein með börnunum flesta daga, við fluttum í kópavoginn í byrjun þessa árs og líður Guðmundi Gabríeli mun betur í nýja skólanum heldur en þeim gamla. Atalía Von er líka byrjuð á nýjum leikskóla og það gengur eins og í sögu og hún þrælánægð :) Sefanía Rut er orðin 3 mánaða og stækkar og stækkar er orðin um 5 kg og 59 cm

Hvað er ríkidæmi ???

Ég er búinn að vera að velta þessu dáldið fyrir mér hvað raunverulegt ríkidæmi er !!! Er það að eiga 2 einbýlishús, 4 jeppa, einkaþotu og marga milljarða á bankareikningnum ?? Yrði maður í alvörunni eitthvað hamingjusamari og sáttari þá ?? eða er ríkidæmi að eiga falleg börn, góðan maka, þak yfir höfuðið, góða vini, góða heilsu, Guð og hlátur ?? ég held að það sé hið síðarnefnda því ekkert er dýrmætara hér í heimi en eimitt Guð, Börnin manns, maki manns, fjölskylda og vinir það skiptir engu máli hvort þú átt 4 land rover jeppa ef þú átt ekki góða fjölskyldu og góða heilsu, ekki tökum við þessa veraldlegu hluti með okkur þegar við yfirgefum þennan heim eða hvað ?? Maður getur ekki annað en verið þákklátur fyrir það sem maður á því ef maður er ekki sáttur með það sem maður á fyrir þá verður maður hvort sem er aldrei sáttur með neitt og vill alltaf meira, Maður spyr sig líka ef maður er ekki þakklátur fyrir það sem maður á í dag verður maður þá eitthvað meira þakklátur með meira ?? Ég veit bara að það sem veitir mér innihaldsríka og varanlega ánægju og hamingju er þegar yndislegi maðurinn minn segir mér að hann elskar mig, gefur mér litlar gjafir, skrifar mér eitthvað fallegt og svo framvegis það eru minningar sem lifa, og svo hver einasti áfangi hjá börnunum sínum, þegar fyrsta brosið kemur, fyrsta hjalið, þegar þau sitja í fyrsta sinn, fyrstu skrefinn, fyrsta orðið og svo má lengi telja, Sonur okkar veitir okkur endalaus bros með öllum heimspekilegu pælingum sínum, alveg ótrúlegt hvað 7ára börn pæla mikið, meira segja 2 ára dóttir okkar sem er farinn að tala ótrúlega mikið reitir af sér brandara :) og syngur stöðugt öll leikskóla lögin þessar elskur geta veitt manni ótrúlega ánægju og bros á vör meira að segja þótt þau hendi sér reglulega í gólfið og öskri eins og ljón afþví að þau fá ekki allt sem þau vilja, við eigum líka eina 3 mánaða og vá hvað það er yndislegt þegar hún brosir framan í mann, og hjalar út í loftið :) já ég held svei mér þá að ég búi við ofboðslegt ríkidæmi þótt ég eigi enga peninga :) eigiði Góða helgi !!